მსოფლიოში კატასტროფულად იზრდება ფასები ნავთობზე და შესაბამისად, ეს ყველაფერი საბოლოოდ მომხმარებლებისთვის საწვავის ფასზე ისახება. რისკი რომელიც ახლო აღმოსავლეთში საომარი მოქმედებებიდან მომდინარეობს, არის ცალსახად გლობალური და მარტო ბოლო კვირეულში ნავთობის ფასი 20 დოლარით არის მომატებული, რაც ადრე თუ გვიან, ნებისმიერი მარაგების პირობებში მათ შორის საქართველოში საწვავის ფასებზე ასახვას პოვებს. პროგნოზები ამ კუთხით ანუ ნავთობზე ფასების ზრდის მიმართულებით უმძიმესია: მსოფლიოს წამყვანი ბანკები და ანალიტიკური ცენტრები ნავთობპროდუქტებზე საწვავის ფასის კიდევ დამატებით 20-30 დოლარით გაზრდას ვარაუდობენ, თუ დროულად არ დასრულდა საომარი მოქმედებები ირანში და მთლიანად ახლო აღმოსავლეთში. დიახ, მთლიანად ახლო აღმოსავლეთში რადგან მიმდინარე საომარი მოქმედებები არ არის ცალმხრივი და ირანი საპასუხო დარტყმებს ახორციელებს არამხოლოდ ისრაელზე, არამედ წამყვან ნავთობმწარმოებლებზე მსოფლიოში, რამაც ათეულზე მეტი გადამამუშავებელი ქარხნის მუშაობა გააჩერა, და კრიზისს ასევე ამწვავებს ჰორმუზის სრუტეში შექმნილი ვითარება, სადაც ათეულობით საწვავით დატვირთული ტანკერია გაჩერებული. ამ დროისთვის, ჰორმუზის სრუტეს სრულად და ბოლომდე ჯერ კიდევ ირანი აკონტროლებს, რაც ნიშნავს, რომ მსოფლიოს საწვავით მომარაგების მეხუთედი, ხოლო აზიის ბაზრების 80% ახლა ერთ სრუტეშია გაჭედილი. კიდევ ერთხელ შეგახსენებთ ვინც არ იცით ვითარების დრამატულობის დონე:მსოფლიოში წარმოებული თხევადი ბუნებრივი აირის (LNG) 20 % და საზღვაო გზით ტრანსპორტირებული ნავთობის 25 % სწორედ ჰორმუზის სრუტეზე გადის. მიუხედავად იმისა, რომ ათწლეულების განმავლობაში საერთაშორისო ნავიგაციისთვის სრუტე სრულად არასდროს ჩაკეტილა, 2026 წლის 28 თებერვალს, ახლო აღმოსავლეთში მწვავე სამხედრო ესკალაციის ფონზე, ირანმა სრუტეში კომერციული გემების მოძრაობა ოფიციალურად შეაჩერა. 2025 წლის მდგომარეობით, სრუტეში ყოველდღიურად დაახლოებით 15 მილიონი ბარელი ნავთობი გადიოდა. შედარებისთვის, ალტერნატიული სახმელეთო მილსადენების საერთო გამტარუნარიანობა მხოლოდ 3 მილიონი ბარელია. გარდა ამისა, თხევადი ბუნებრივი აირის (LNG) ტრანსპორტირება რეგიონიდან მთლიანად საზღვა

#ახალიამბები #BusinessMediaGeorgia