კანონი უკვე ძალაში შედის და კითხვები, რაც აქამდე გვქონდა, ისევ ღიაა - ასეთი შინაარსის შეფასებებით დასრულდა უცხოელების დასაქმების ახალ რეგულაციაზე გამართული შეხვედრა, რომელსაც დასაქმების ხელშეწყობის სააგენტოს წარმომადგენლები და ბიზნესი ესწრებოდა. კერძო სექტორში ამბობენ, რომ არსებულ რეგულაციაში არაერთი ბუნდოვანებაა, არადა შეზღუდვები ძალაში 2 დღეში შედის. რა იცვლება უცხოელების დასაქმების კუთხით კერძო სექტორისთვის, რა კითხვები აქვს ბიზნესს და რა პასუხები აქვთ ჯანდაცვის სამინისტროში, რომელსაც რეგულაციის აღსრულების პროცესი აბარია.
#ახალიამბები #BusinessMediaGeorgia