100-ზე მეტი საერთაშორისო ინვესტორი და უძრავი ქონების წამყვანი სააგენტოები - თბილისში უძრავი ქონების საერთაშორისო ფორუმს დაესწრენ, რომელიც როგორც მოგახსენეთ:საქართველოს ბიზნეს ასოციაციისა და მსხვილი დეველოპერული კომპანიების – „არქის“, „ნექსთისა“ და „ბიოგრაფის“, ასევე საამიროებში ბაზირებული კომპანი ინვესტ ჯორჯიას–თანაორგანიზებით ჩატარდა. ამგავრი ფორუმები გამორჩეულად სასარგებლო პლატფორმას წარმოადგენს, სადაც ქართულმა დეველოპერულმა კომპანიებმა გლობალურ ინვესტორებს საკუთარი შესაძლებლობები და მიმდინარე პროექტები წარუდგინეს. ღონისძიების მთავარი მიზანი საქართველოს უძრავი ქონების ბაზრისა და ქვეყნის საინვესტიციო პოტენციალის პოპულარიზება იყო, ასევე საერთაშორისო ინვესტორების დაკავშირება საქართველოს წამყვან დეველოპერებთან. როგორც მოგახსენეთ, ფორუმზე წარმოდგენილი იყვო 100-ზე მეტი საერთაშორისო ინვესტორი და უძრავი ქონების სააგენტო ბრიტანეთიდან, გერმანიიდან, ესპანეთიდან, ისრაელიდან, ახლო აღმოსავლეთის ქვეყნებიდან და ევროპის სხვა სახელმწიფოებიდან. ფორუმის მეორე დღეს ინვესტორების წინაშე წარსდგნენ საქართველოს მთავრობის და ბიზნეს ასოციაციის ხელმძღვანელებიც. ჩამოსულ სტუმრებს, ჰქონდათ პირადი კომუნიკაციის საშუალება მათთან და ფორუმის მონაწილეები მედიასთან კომენტირებისას აცხადებენ, ღონისძიების მიმართ მაღალი ინტერესი საერთაშორისო ბიზნესმედიის მხრიდანაც ფიქსირდება.

#ახალიამბები #BusinessMediaGeorgia