12 ივნისს, ბათუმში, სასტუმრო COURTYARD BY MARRIOTT-ში, BMG-ისა და დეველოპერული უძრავი ქონების გაყიდვების კომპანია PROSPECT-ის ორგანიზებით, უძრავი ქონებისა და დეველოპერული სექტორის ერთ-ერთი ყველაზე მასშტაბური ღონისძიება GREMO 2026 გაიმართება.GREMO უკვე მეშვიდედ მოუყრის თავს დეველოპერული სექტორის ლიდერებს, ინვესტორებს, ექსპერტებსა და ბიზნესის წარმომადგენლებს, რათა საქართველოს უძრავი ქონების ბაზრის განვითარების პერსპექტივებსა და სტრატეგიულ მიმართულებებზე იმსჯელონ. წლევანდელი კონფერენციის მთავარი თემა საქართველოში მაღალი კლასის კურორტებისა და თანამედროვე დეველოპერული პროექტების განვითარებაა. დისკუსიების ფარგლებში ყურადღება გამახვილდება საქართველოს ზღვისპირეთის, განსაკუთრებით კი აჭარის, პრემიუმ ტურისტულ მიმართულებად ჩამოყალიბების შესაძლებლობებზე, მაღალი შემოსავლის მქონე ტურისტების მოზიდვის სტრატეგიებზე, საერთაშორისო პრაქტიკასა და წარმატებული კურორტების განვითარების მოდელებზე. ღონისძიებაში ადგილობრივ ექსპერტებთან ერთად მონაწილეობას მიიღებენ საერთაშორისო სპიკერებიც. მათ შორის არიან Aimbridge Hospitality-ის ოპერაციების ვიცე-პრეზიდენტი არმინ ებერჰარდი და ARUP Group-ის ურბანული დაგეგმარების უფროსი სპეციალისტი მუსტაფა აი. ისინი აუდიტორიას გაუზიარებენ გამოცდილებას კურორტების განვითარების, ჭკვიანი ქალაქების კონცეფციისა და კერძო და საჯარო სექტორების პარტნიორობის მნიშვნელობის შესახებ.
კონფერენციის ფარგლებში გრემოს უცვლელი პარტნიორი „თიბისი კაპიტალი“ უძრავი ქონების ბაზრის მიმდინარე ტენდენციების კვლევას წარადგენს,
ხოლო Cushman & Wakefield Veritas საერთაშორისო სანაპირო ქალაქების განვითარების გამოცდილებასა და თანამედროვე სტანდარტებზე ისაუბრებს.
პრემიუმ კურორტების შექმნაში საინჟინრო სისტემების მნიშვნელობაზე კი Infinity Ventures Holding-ის წარმომადგენლები გაამახვილებენ ყურადღებას.
GREMO 2026-ის პროგრამა წელს რამდენიმე სიახლესაც მოიცავს. პირველად გაიმართება HARD Talk, დისკუსია სფეროს წამყვანი მოთამაშეების მონაწილეობით. ასევე პანელური განხილვა თემაზე: „კონცეფციიდან ექსპლუატაციამდე, როგორ იქმნება პრემიუმ კურორტი“. ღონისძიების დასასრულს ტრადიციულად გაიმ

#ახალიამბები #BusinessMediaGeorgia