ფასებთან დაკავშირებით განხილვები პარლამენტში ინაცვლებს. პარლამენტში ინიციირებულია დადგენილების პროექტი, რომელიც ფასების რეგულირების საკითხებზე სპეციალური დროებითი კომისიის შექმნას ითვალისწინებს და განხილვები ამ კვირაშივე უნდა დაიწყოს.
როგორია საწვავის ფასები საქართველოსა და ევროპაში და არსებობს თუ არა ამ ნაწილში, ფასების გაიაფების რესურსი - ნავთობიმპორტიორები მთავრობის ინიციატივებისა და განხილვის მოლოდინში არიან. ნავთობპროდუქტების იმპორტიორთა ასოციაცია აცხადებს, რომ სწორი დათვლისა და კომპრომისული გაანგარიშების შედეგად, შესაძლოა, გაიაფების გზა გამოინახოს. მაშინ, როდესაც იმპორტიორების ნაწილი მთავრობისა და პარლამენტისგან შესაბამისი საკანონმდებლო ინიციატივების მოლოდინშია. რისგან შედგება საწვავის ფასი, როგორია ის ევროპასა და რეგიონის ქვეყნებში და რა ფაქტორები განსაზღვრავს საქართველოში ფასს, იმ პირობებში, როდესაც ქვეყანა სრულად დამოკიდებულია იმპორტზე.


#ახალიამბები #BusinessMediaGeorgia