მინდა შვედური კომპანია Systemair-ი გაგაცნოთ, რომელსაც 50 წლიანი ისტორია აქვს. ეს არის ბრენდი, რომელიც გათბობა, გაგრილება, ვენტილაციის აგრეგატების თითქმის სრულ პროდუქციას აწარმოებს და მაღალი ხარისხის პროდუქციას მსოფლიოს 50-ზე მეტ ქვეყანას აწვდის. "სისტემეარს" 19 ქვეყანაში 26 ქარხანა და 13 სატესტო ლაბორატორია აქვს, სადაც 250 ინჟინერი გამუდმებით მუშაობს ახალი პროდუქტების შექმნასა და არსებულის ტესტირებაზე ISO და AMCA სტანდარტების მიხედვით. შვედური ხარისხი დღეს საქართველოშიც ხელმისაწვდომია და ეს ყველაფერი 2019 წელს დაიწყო. მაშინ როდესაც ქვეყანაში კომპანიის ოფიციალური წარმომადგენლობა გაიხსნა. „სისტემეარ საქართველოს“ პორტფელი როგორც დასრულებულ, მასშტაბურ, ისე მიმდინარე პროექტებს აერთიანებს. “პარაგრაფ აბასთუმანი” “ბორჯმის ქარხანა”, “ისთ ფოინთი” “სასტუმრო ამბასადორი”-ეს მხოლოდ მცირე ჩამონათვალია იმ კომპანიების, რომლებმაც შვედური ბრენდის თანამედროვე გადაწყვეტები პროექტებს მოარგეს. “სისტემეარ საქართველო”, როგორც ცალკე კომპანია არ განიხილება, კომპანია 7000-კაციანი გლობალური ბრენდის სრულფასოვანი წევრია. ამის დასტურად გეტყვით, რომ "სისტემეარ საქართელოს" რამდენიმე დღის წინ აღმოსავლეთ ევროპის რეგიონული დირექტორი, ფრედრიკ ანდერსონი ეწვია. ჩვენც გვქონდა შესაძლებლობა გავსაუბრებოდით მას და ყველა ის საკითხი მიმოგვეხილა, რაც "სისტემეარ საქართველოს" ოპერირებისთვის მნიშვნელოვანია.
საქართველოში შვედური კომპანიის წარმატებული ოპერირება, დასრულებული თუ მიმდინარე პროექტები - შვედური ბრენდის მხარდაჭერასთან ერთად - სისტემეარ საქართველოს დირექტორის და მისი გუნდის დამსახურებაა. მეტიც, კომპანია ბრენდის ექსპანსიას სხვა ქვეყანაშიც იწყებს. სისტემეარ საქართველო მალე სომხეთის ბაზრის მართვას შეუდგება. შვედური ბრენდის ქართულ წარმომადგენლობას გიორგი სარჯველაძე ხელმძღვანელობს. ბიემჯის რეპორტიორი, მარიამ იზორია სისტემეარ საქართველოს დირექტორს ესაუბრა და კომპანიასთან დაკავშირებით ყველა მნიშვნელოვანი ამბავი მიმოიხილა.

სტუმარი: გიორგი სარჯველაძე - “სისტემეარ საქართველო” , დირექტორი;

ინტერვიუერი: მარიამ იზორია - BMG, ჟურნალისტი;

#ახალიამბები #BusinessMediaGeorgia