რაც შეეხება ვითარებას საქართველოს ჩრდილოეთით, სადაც ჩვენი ოკუპანტი ქვეყანა მდებარეობს, ფაქტია, რომ 2026 წელი რუსეთისთვის რთულად დაიწყო – კრემლის ბიუჯეტის დეფიციტმა ახალ რეკორდს მიაღწია, უკრაინის წინააღმდეგ ომი უსაშველოდ იწელება, ენერგეტიკული სექტორის შემოსავლები ეცემა, ამ ყველაფერს კი ემატება ისიც, რომ ქვეყანას წვდომა საკუთარ რეზერვებთანაც აღარ აქვს. რა სჭირს რუსეთის ბიუჯეტს და რამდენად მწვავეა ის კრიზისი, რომლის წინაშეც ახლა პუტინი და მისი ხელისუფლება დგას? რამდენად რეალისტურია პროგნოზი, რომ რუსეთის სახელმწიფო ბიუჯეტს შესაძლოა იმაზე მეტი დანაკლისი და დეფიციტი აღმოაჩნდეს ვიდრე საჯაროდ არის ყველასთვის ცნობილი? და ერთიც - უკრაინაში ომის დაწყებიდან, სახელმწიფომ უკვე ორჯერ გაზარდა გადასახადები, რაც რუსეთის სამხედროების და მმართველების მხრიდან წარმოდგენილ სურათს, თითქოს რუსეთის ეკონომიკა ყვავის აცამტვერებს, თან სრულად და ბოლომდე. ჩემგან, შემიძლია მხოლოდ ერთის თქმა, როგორც საგარეო ეკონომიკური ურთიერთობების სპეციალისტისგან და მადლობა ჩემს ლექტორებს, ირინა გოგორიშვილს და მერაბ აბდალაძეს ეს მიმართულება რომ შემაყვარეს, რუსეთის ეკონომიკას, 4 წლის წინ ომის დაწყებიდან ვიდრე დღემდე, არასდროს ჰქონია ისეთი ეკონომიკური პრობლემები, როგორიც აქვს დღეს და ეს არის ფაქტი.

#ახალიამბები #BusinessMediaGeorgia