საქართველოსთვის მნიშვნელოვანი მსოფლიო ეკონომიკური ფორუმიდან ეხება ახალ რეალობას სამხრეთ კავკასიაში და სომხეთ-აზერბაიჯანის გააქტიურებულ სამშვიდობო და აწ უკვე ეკონომიკურ ურთიერთობებს. ამის თაობაზე აქტიურად აკეთებდნენ განცხადებებს აზერბაიჯანის და სომხეთის ლიდერები. და რაღა თქმა უნდა რუსეთის ფედერაცია, რომელსაც მონაწილეობა დავოსის ფორუმში არ მიუღია, თუმცა რასაც ვაკვირდებით, რუსეთის ეკონომიკა რთულ ვითარებაში შედის. დავიწყოთ სამხრეთ კავკასიის ქვეყნების თემით რადგან სომხეთ-აზერბაიჯანს შორის სატვირთო გადაზიდვები როგორც ჩანს, “ტრამპის მარშრუტის” ამოქმედებამდე დაიწყება. დავოსში მყოფი სომხეთისა და აზერბაიჯანის ლიდერები აცხადებენ, რომ ტვირთები სომხეთიდან აზერბაიჯანში, რაც ამჟამად საქართველოს ტერიტორიით გადაადგილდება, მომავალში პირდაპირ გადაიზიდება. ქართული ბიზნესის წარმომადგენლები "ბიემჯისთან "აღნიშნავენ, რომ ეს საქართველოს ტვირთებს დააკარგვინებს. რა თქვეს აზერბაიჯანისა და სომხეთის პრეზიდენტებმა დავოსში, რა ეტაპზეა “ტრამპის მარშრუტი” და სად არის საქართველო, როცა რეგიონში ახალი დერეფნის გახსნა იგეგმება?

#ახალიამბები #BusinessMediaGeorgia