ყველამ იცით ისრაელის საჰაერო თავდაცვის ლეგენდარული სისტემის გუმბათის შესახებ, რომელიც წლებია უკვე იცავს აღქმული მიწის ბინადართ საჰაერო თავდასხმებისგან და მერწმუნეთ, ამაზე ეფექტური საჰაერო დაცვის სისტემა ჯერჯერობით ცნობილი არ არის. რამდენიმე დღის წინ კი გერმანიამ და ისრაელმა ხელი მოაწერეს შეთანხმებას, რომელიც ორ მოკავშირე ქვეყანას შორის კიბერ უსაფრთხოების მიმართულებით თანამშრომლობის გაღრმავებას გულისხმობს. აღნიშნული დოკუმენტის საკვანძო ნაწილი არის ის, რომ მხარეები გერმანიისთვის “კიბერგუმბათის” შექმნაზე ერთად იმუშავებენ. საუბარია ისეთი ავტომატიზებული სისტემის შექმნაზე, რომელიც კიბერუსაფრთხოებასა და დრონების შემოტევებს დამოუკიდებლად აღმოაჩენს და გაანეიტრალებს. სახელმწიფოთაშორისი შეთანხმება, რომელსაც ხელი გერმანიის შინაგან საქმეთა მინისტრმა, ალექსანდრ დობრინტმა და ისრაელის პრემიერ მინისტრმა, ბენიამინ ნეთანიაჰუმ მოაწერეს, ოფიციალურ ბერლინს საშუალებას მისცემს, ადგილობრივ დონეზე გლობალურად აღიარებული ის ტექნოლოგია დანერგოს, რომელსაც ისრაელი წლებია ავითარებს. აღსანიშნავია, რომ მხარეებს შორის დადებული პაქტი კონტრ-ტერორიზმის კუთხით მუშაობის გაძლიერებასაც მოიცავს. როგორც ცნობილი ხდება, “კიბერგუმბათი” გერმანიის რამდენიმე კიბერ-სააგენტოს დააკავშირებს და მათ ერთობლივ ფუნქციონირებას უზრუნველყოფს. მათ შორის, საუბარია ინფორმაციული უსაფრთხოების ფედერალურ ოფისზე და ფედერალურ კრიმინალურ პოლიციაზე. ასევე შესაბამის სფეროში მომუშავე კვლევით ინსტიტუტებზე და კერძო სექტორში წარმოდგენილ კომპანიებზე, რომლებიც ენერგეტიკის, ტელეკომუნიკაციების, საჯარო ადმინისტრირებისა და ტრანსპორტირების მიმართულებაზე მუშაობენ. როგორც შინაგან საქმეთა მინისტრი აცხადებს, ახალი ერთობლივი ქსელი მკვეთრად შეამცირებს კიბერშეტევებსა და დრონებისგან მომავალ საფრთხეზე რეაგირების დროს, განსაკუთრებით რუსეთიდან, რომელიც NATO-ს წევრი ქვეყნების საჰაერო სივრცეებს სულ უფრო ხშირად არღვევს. დიახ, ასეთია შეთანხმება და რატომ გაგიზიარეთ ეს თითქოს ერთი შეხედვით მორიგი საინფორმაციო ამბავი, რომელიც ზღვაში წვეთია იმ ინფორმაციებს შორის რასაც ვიღებთ ყოველდღიურად საინფორმაციო ზვავის სახით: მოდი, გადავახვიოთ

#ახალიამბები #BusinessMediaGeorgia