ქართული ბიზნესი ჩინური TEMU-ს წინააღმდეგ - ჩინური პლატფორმის ქართულ ბაზარზე შემოსვლამ ბოლო წლებში არაერთი ბიზნესოპერატორის დღის წესრიგი შეცვალა. საფოსტო საკურიერო კომპანიები ამბობენ, რომ სექტორში ჩინური სავაჭრო პლატფორმა მნიშვნელოვან გამოწვევებს ქმნის, რასაც მათი შეფასებით, ხელს საქართველოს ფოსტაც უწყობს. ელექტრონული კომერციის ასოციაციის ხელმძღვანელი თამარ გოგოლაშვილი ამბობს, რომ მათი ინფორმაციით, საქართველოს ფოსტა TEMU-ს დემპინგურ ფასად ეთანამშრომლება, რომლის მოკვლევის მიზნით კონკურენციის სააგენტოში ბიზნესმა განცხადება უკვე შეიტანა. ამასთან, ჩინურმა ვაჭრობის პლატფორმა TEMU-მ პრობლემები შეუქმნა ქართულ ელექტრონულ კომერციასაც. დარგობრივ ასოციაციაში ამბობენ, რომ 2025 წელს კომპანიებმა იმაზე ნაკლები შემოსავალი მიიღეს ვიდრე ეს 2024-ში იყო. ბიზნესი კონკურენციის სააგენტოს, ეკონომიკისა და ფინანსთა სამინისტროებს გაფართოებულ ფორმატში შეხვედრას სთხოვს, იმისთვის, რომ კონკრეტული ნაბიჯების გადადგმა დაიწყოს, რის მაგალითებიც მსოფლიოს არაერთ ქვეყანაში უკვე არის. რა არგუმენტები აქვს ქართულ ბიზნესს?

სტუმარი: თამარ გოგოლაშვილი - ელექტრონული კომერციის ასოციაციის ხელმძღვანელი

#ახალიამბები #BusinessMediaGeorgia