ეროვნული ბანკი ზომიერად მკაცრ მონეტარული პოლიტიკას ინარჩუნებს. დღეს სებ-მა მთავარი განაკვეთი კვლავ 8%-ზე დატოვა და მიუთითა, რომ მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები უფრო გამოკვეთილია, თუმცა ასევე, ნარჩუნდება შემცირებაზე მოქმედი ფაქტორებიც. ანალიტიკურ ორგანიზაციებში ვარაუდობენ, რომ მარეგულირებელს მონეტარული პოლიტიკის შერბილების საშუალება მხოლოდ მომავალი წლის მეორე ნახევრიდან ექნება, თუმცა არ გამორიცხავენ, რომ მომავალი წლიდან ინფლაციის მაჩვენებელზე გავლენა ჰქონდეს სხვადასხვა ერთჯერად ფაქტორებსაც, მათ შორის ელექტროენერგიის შესაძლო გაძვირებას.


#ახალიამბები #BusinessMediaGeorgia