მხოლოდ ქართულის რუბრიკის ფარგლებში კიდევ ერთი კომპანია უნდა გაგაცნოთ. გიყვებით ბრენდ - "გაამოზე", რომლის იდეაც პინტერესტის სქროლვისას გაჩნდა, როცა რუტინული სამსახურიდან დაბრუნებულმა ნინო შოშიაშვილმა აპლიკაციაში ორიგინალური ორცხობილების ფოტოები აღმოაჩინა. სწორედ მაშინ გადაწყვიტა, ბავშვობის ოცნება აეხდინა და შეექმნა საკუთარი ბრენდი, რომლის მისიაა მომხმარებლებს გემრიელი დესერტები, უფრო მეტად კი ყველასათვის ცნობილი ჯინჯერის ორცხობილები შესთავაზოს. გაამოს ამბავი ფიზიკურ მომხმარებლებზე გათვლილი, მცირე წარმოებით დაიწყო დღეს კი ბრენდი კორპორატიულ შეკვეთებსაც უმკლავდება, რომელიც დაახლოებით 15 000-მდე ორცხობილას დამზადებასაც გულისხმობს.

#ახალიამბები #BusinessMediaGeorgia