დავით ბეჟუაშვილის განათლების, ეს გახლავთ არასამეწარმეო (არაკომერციული) ორგანიზაცია, რომელიც 2015 წელს დაარსდა დავით და გელა ბეჟუაშვილების მიერ. ფონდის დამფუძნებლები თვლიან,რომ განათლება განვითარებული, თანამედროვე, დემოკრატიული ქვეყნის მთავარი ღირებულებაა, ამიტომაც აქ ჩადებული ინვესტიციები ამ ღირებულებების დამკვიდრებისათვის გაღებული ის წვლილია, რომელიც მთლიანად ქვეყნის განვითარებაში იდება.

გასულ კვირას, ამ ფონდმა თავისი ახალი პროექტის პრეზენტაცია გამართა, და საზოგადოებასაც უმასპინძლა. მასპინძლობა მანგლისში შედგა, სადაც წარმოდგენილი იქნა განათლების სრულიად განსხვავებული კერა, კაპმუსი, რომელიც მომავალი ლიდერებისთვის არის განკუთვნილი და მისი კონცეფცია, 14-18 წლის ახალგაზრდებზეა მორგებული. პროექტს და ახალ კამპუსს ჰქვია საბადო, და მის დამფუძნებლებს აქვთ რწმენა, რომ ამ ახალი კამპუსის ამოქმედებით, მანგლისში მდებარე საბდო უამრავ ახალ ლიდერს და წარმატებულ ადამიანს წარმოაჩენს. თან SABADO-ს განმასხვავებელი ნიშანი გახლავთ მისი მიდგომა – აკადემია აერთიანებს არაფორმალურ განათლებასა და გართობას, რაც ქმნის უნიკალურ ჰაბს სწავლისთვის. აქ ტრადიციული საკლასო ოთახების ნაცვლად, მონაწილეებს ელით ინტერაქციული ლექციები, შთამაგონებელი სპიკერები და გუნდური აქტივობები. ძირითადი შენობა 3,000 კვადრატულ მეტრს მოიცავს, აღჭურვილია თანამედროვე ტექნოლოგიებით და შეიცავს მრავალფუნქციურ სივრცეებს – ორადგილიანი საცხოვრებელი ოთახებიდან დაწყებული, STEAM ლაბორატორიითა და ობსერვატორიით დამთავრებული. გარე სივრცეში გხვდებათ: ფეხბურთისა და კალათბურთის მოედნები, პადელის კორტი და ცალკე მდგომი შენობა, რომელიც კერძო კინოთეატრს წარმოადგენს.

#ახალიამბები #BusinessMediaGeorgia