კომპანია "პონტუსი" მსოფლიოში ერთ-ერთ წამყვან სასტუმროების მმართველ კომპანია "როტანასთან" ერთად გონიოში, "როტანას" მიერ საქართველოში მართულ პირველ 5-ვარსკვლავიან სასტუმროს აშენებენ. მსგავსი მასშტაბის პროექტის განხორციელება მხოლოდ ადგილობრივი რესურსებით შეუძლებელია. Pontus-ი და მისი აღმასრულებელი გუნდი თანამშრომლობს წამყვან საერთაშორისო კონტრაქტორებთან — Creative Clinic არაბთა გაერთიანებული საამიროებიდან, საკმაოდ ცნობილი სტუდია, რომელიც სპეციალიზდება ბრენდირებულ სასტუმროებზე და რომლის პორტფელშია Rotana, ასევე Hyatt, InterContinental, Mercure და სხვათა მიერ მართული ბრენდირებული სასტუმროები.
სექტემბერი კი არის თვე, როცა "პონტუსის" გუნდმა დაამკვიდრა ერთგვარი ტრადიცია და თავს უყრის გონიოში ყველა არსებულ და დაინტერესებულ ინვესტორებს, ვისაც სურთ შავიზღვისპირეთში ამ დროისთვის ყველაზე დიდი სასტუმროს ინვესტორები და აპარტამენტების მეპატრონეები გახდნენ. წელს ტრადიცია არ დარღვეულა და ამიტომაც ვესტუმრეთ გონიოს. დავესწარით ამ 2 დღიან ღონისძიებას.

#ახალიამბები #BusinessMediaGeorgia