საქართველოდან ჩაის ექსპორტი გაიზარდა, თუმცა როგორც რიცხვები აჩვენებს ძირითადად რეექსპორტის ხარჯზე. წელს, 6 თვეში საექსპორტო ბაზრებზე საქართველოს გავლით 1 მლნ 641 ათასი დოლარის ღირებულების ჩაი გავიდა. წლიურ ჭრილში ზრდა 52%-ია. აქედან ადგილობრივი ექსპორტიდან მიღებული შემოსავალი მხოლოდ 523 ათასი დოლარი იყო, რაც წლიურად თითქმის 32%-ით შემცირებული მაჩვენებელია. სულ ნახევარი წლის განმავლობაში საექსპორტო ბაზრებზე 478.9 ტონა ქართული ჩაი გაიყიდა. 1 კგ საშუალო საექსპორტო ფასი კი, მხოლოდ 1.09 დოლარია. ამ ფონზე 3.5-ჯერ, თითქმის 1.2 მლნ დოლარამდეა გაზრდილი რეექსპორტის მაჩვენებელი. აქ 1 კგ-ს საშუალო საექსპორტო ფასი 3.9 დოლარს შეადგენს. ყაზახეთი, მონღოლეთი, თურქმენეთი სომხეთი ტაივანი - ასეთია ადგილობრივი ჩაის საექსპორტო ბაზრები, ჯამურ ექსპორტში კი თურქეთი ლიდერობს. მთლიანობაში საქართველოდან შარშან 2.9 მლნ დოლარის ჩაი გავიდა, მათ შორის ადგილობრივი პროდუქცია 1.9 მლნ დოლარის ღირებულების იყო. როგორია 2025 წელი ქართული ჩაისთვის - რა კეთდება უკვე იდენტიფიცირებული პრობლემების გადასაჭრელად?

სტუმარი: თენგიზ სვანიძე - საქართველოს ჩაის მწარმოებელთა ასოციაციის პრეზიდენტი

#ახალიამბები #BusinessMediaGeorgia