გავლენიანი საინფორმაციო სააგენტო ბლუმბერგის ცნობით:სულ მცირე, სამი მსხვილი რუსული ბანკი ქვეყნის ცენტრალური საფინანსო ინსტიტუტისთვის დახმარების სათხოვნელად ემზადება. მიზეზი ის გაფუჭებული სესხებია, რომელთა რაოდენობაც ყოველდღიურად იზრდება.
დღეს ყოველი მე-10 იპოთეკური სესხი პრობლემურია და ბანკები მათ ამოღებას ვერ ახერხებენ. ვითარება ბიზნეს სექტორშიც რთულადაა, სადაც გაცემული სესხების 4% გაფუჭებულია. Bloomberg-ს შიდა წყაროები ეუბნებიან, რომ რეალური ვითარება კიდევ უფრო მძიმეა.სავარაუდოდ, რუსეთის ცენტრალური ბანკი წამყვანი საფინანსო ინსტიტუტების დასახმარებლად 2017 წელს შექმნილ დახმარების პაკეტს აამოქმედებს. Bloomberg-ის ინფორმაციით, ცენტრალურმა ბანკმა უკვე გასცა სესხების რესტრუქტურიზაციის რეკომენდაცია და საფინანსო ინსტიტუტებს გაფუჭებული სესხების აღიარებისკენ მოუწოდა. არანაკლებ დრამატულია ვითარება თავად რუსეთის სახელმწიფო ბიუჯეტში.

#ახალიამბები #BusinessMediaGeorgia