საქართველოში საბაჟო გამშვებ პუნქტებზე სატვირთო ავტომობილების გაფორმების შეფერხებაზე საუბრობს ბიზნესიც. მათი თქმით, მიზეზი ახალი კომპიუტერიზებული სატრანზიტო სისტემის (NCTS) დანერგვაა, რომლის ფარგლებშიც გამოწვევაა როგორც ადამიანური რესურსი ისე საბანკო გარანტიები, რომლის მიღებაც კომპანიებს უჭირთ, რაც საზღვარზე პროცედურების შეფერხებას იწვევს. საბაჟო-გამშვებ პუნქტებზე შექმნილ პრობლემებზე წერს სომხური მედიაც. გავრცელებული ინფორმაციით, თხევადი გაზის პროდუქტით დატვირთული ასობით მანქანა საქართველო-სომხეთის საზღვარზე ქართულ მხარეს ჰყავს გაჩერებული უცნობი მიზეზებით, რამაც ადგილობრივ ბაზარზე პროდუქტი გააძვირა.

#ახალიამბები #BusinessMediaGeorgia