რუბრიკა მხოლოდ ქართულის ფარგლებში გიყვებით კომპანიაზე, რომლის ისტორია იწყება ინსპირაციით, საფრანგეთისა და ბრიტანეთის არომატულ ლავანდის მინდვრებზე. ერთ დროს ევროპული მოგზაურობა გახდა ტოტოს ლავანდების საქართველოში დაარსების მიზეზი და სწორედ აქედან დაიწყო ევროპულმა ლავანდებმა საგურამოს ეკო ზონაში გახარება. 2020 წელს ბრიტანული ჯიშის ლავანდის ნერგები გამოიგზავნა საქართველოში და საგურამოსთან ახლოს, არაშენდას ტერიტორიაზე დაირგო. ეს ყველაფერი თავდაპირველად ექსპერიმენტი იყო, მცდელობა, მოეწონებოდა თუ არა ბრიტანულ ლავანდებს ქართული ნიადაგი,მაგრამ გაამართლა იდეამ და ერთ დროს თითქოს გატაცება ბიზნესადაც იქცა. ასე გაჩნდა "ტოტოს ლავანდის" ბაღი ადგილად, რომელიც დღეს მხოლოდ ლავანდის სურნელს კი არა, "ტოტოს ლავანდების" ბრენდის ქვეშ რამდენიმე პროდუქტსაც აერთიანებს.

#ახალიამბები #BusinessMediaGeorgia