ტენდენციური პროდუქტების ჩამონათვალში ჩინური მაღაზიათა ქსელის, Pop Mart-ის სათამაშო Labubu მოხვდა, რომელმაც მის შემოქმედ კომპანიას არნახული კომერციული წარმატება მოუტანა. ბოლო ერთ წელიწადში, კომპანიის საბაზრო კაპიტალიზაცია 540%-ით გაიზარდა, რაც ამ პერიოდში დაფიქსირებული ერთ-ერთი საუკეთესო შედეგია. ეს სათამაშო უშნო ელფის ფორმისაა და ის დალუქულ ყუთებში იყიდება, ანუ ადამიანმა, რომელიც Labubu-ს იყიდის, არ იცის, თუ რომელი სათამაშო ამოუვა. ეს ბიზნესმოდელი, სხვათა შორის, ცოტა ხნის წინ ჩინეთის სახელმწიფო მედიასაშუალება People's Daily-მ გააკრიტიკა და მთავრობას რეგულაციების გამკაცრებისკენ უბიძგა.
მოგვიანებით, Pop Mart-ის აქციებზე დაკვირვება მსოფლიოს ერთ-ერთმა უდიდესმა ბანკმა, ამერიკულმა Morgan Stanley-მ შეწყვიტა, რაც ინვესტორებმა უარყოფით სიგნალად შეაფასეს და შედეგად, ბოლო ხუთ დღეში, Pop Mart-ის საბაზრო კაპიტალიზაცია 11%-ით შემცირდა. მოკლევადიანი კლების მიუხედავად, მხოლოდ ბოლო ექვს თვეში კომპანიის აქციები 175%-ითაა გაძვირებული.
მოკლედ, ეს ცელქი, მაგრამ საყვარელი მონსტრი დაემატა ლაქშერი ანუ ფუფუნების საგნების ჩამონათვალს , და სათამაშო რომელსაც ხშირად დიდი, ოდნავ ბოროტი ღიმილი და გრძელი ყურები აქვს,ნამდვილად აალაპრაკა მთელი მსოფლიო.ჰონგ-კონგელი მხატვრის, კას ლანგის შექმნილი პერსონაჟი სახელით ლაბუბუ საკმაოდ ძვირადღირებული სათამაშო გახდა. სხვადასხვა ბრენდებთან და მხატვრებთან თანამშრომლობით შექმნილი სერიები კი, რომლებიც ლიმიტირებული რაოდენობით გამოდის მის ფასს და მისდამის ინტერესს კიდევ უფრო ზრდის.

#ახალიამბები #BusinessMediaGeorgia