კიდევ ერთი ბიზნეს წარმატება უკავშირდება კომპანია 'სილქ როუდ ჯგუფს". ეს მათი, მორიგი არაუკანასკნელი პროექტია, რომელსაც პარტნიორებთან ერთად ახორციელებნ საქართველოში.
ხუთვარსკვლავიანი სასტუმრო "ტელეგრაფი' ამ კვირიდან პირველ სტუმრებს უკვე მიიღებს და მათ უმაღლესი ხარისხის ინოვაციურ მომსახურებასთან ერთად დახვეწილი დიზაინის სივრცეებს და განსაკუთრებულ ატმოსფეროს შესთავაზებს. ახალი სასტუმრო ცხრა სხვადასხვა კატეგორიის 239 ნომერს, განსხვავებული კონცეფციის შვიდ რესტორანს, ჯაზ კლუბს, ბარსა და საბანკეტო-საკონფერენციო დარბაზს აერთიანებს. ტელეგრაფის რეკონსტრუქციისთვის გაწეული ინვესტიცია 65 მილიონ ევროს შეადგენს, რაც ქვეყნის ორი უმსხვილესი ბანკის, თიბისის და საქართველოს ბანკის მხარდაჭერით განხორციელდა.
"ტელეგრაფი" პირველი სასტუმროა რეგიონში, რომელიც მსოფლიოს წამყვანი სასტუმროების ორგანიზაციას The Leading Hotels of The World შეუერთდა, რაც, როგორც პროფესიონალები ამბობებნ, ჩვენი ქვეყნის სტუმარ-მასპინძლობის ინდუსტრიაში უმაღლესი საერთაშორისო სტანდარტის დანერგვას ნიშნავს. ტელეგრაფის რეკონსრუქცია რესპუბლიკის მოედნის განვითარების კონცეფციის ერთ-ერთი მნიშვნელოვანი ნაწილია.

#ახალიამბები #BusinessMediaGeorgia