საქართველო $3.3 მილიარდის საარბიტრაჟო დავებშია ჩართული. აუდიტის სამსახური ქვეყნისთვის ერთ-ერთ ფისკალურ რისკად კვლავ საერთაშორისო საარბიტრაჟო დავებს ასახელებს. როგორც 2024 წლის სახელმწიფო ბიუჯეტის წლიური შესრულების შესახებ მთავრობის ანგარიშზე აუდიტის სამსახურის მოხსენებაშია აღნიშნული, 2024 წელს სადავო თანხის ჯამური პოტენციური მაქსიმალური ოდენობა 4.8 მლრდ დოლარს შეადგენდა, თუმცა რადგან ერთი დავა სახელმწიფოს გამარჯვებით დასრულდა, ჯამური მოთხოვნები 3.3 მლრდ დოლარამდე შემცირდა. ფინანსთა მინისტრის მოადგილე კი ამბობს, რომ უშუალოდ მიმდინარე წელს საარბიტრაჟო დავების მიმართულებით ბიუჯეტიდან თანხების გადახდა დაგეგმილი არაა. რა საარბიტრაჟო დავებშია ჩართული საქართველო და რა ფისკალურ რისკებს ქმნის საერთაშორისო ინვესტორებთან დავები?


#ახალიამბები #BusinessMediaGeorgia