თბილისის საერთაშორისო აეროპორტში მმართველი კომპანიის, ტავ ჯორჯიას ორგანიზებით გაიხსნა გამოფენა სახელწოდებით Women's ART day at Tbilisi Imernational Airport, ღონისძიების მიზანი მხატვარი ქალების შემოქმედების პოპულარიზაცია და მათი ეკონომიკური გაძლიერების ხელშეწყობაა. მთელი დღის განმავლობაში, თბილისის საერთაშორისო აეროპორტში გამოფენილი იქნება 50-ზე მეტი ნამუშევარი, რომელთა შეძენაც და თან წაღებაც აეროპორტის ნებისმიერ მგზავრს შეუძლია.

ექსპოზიციაში ყველაზე დიდი წილი ქალ სტუდენტებს უკავიათ. ტავ ჯორჯიამ თბილისის სახელმწიფო სამხატვრო აკადემიასთან პარტნიორობით სტუდენტური კონკურსი გამოაცხადა. შერჩეული ნამუშევრები კი Women's ART day at Tbilisi International Airport-ის ექსპოზიციაში მოხვდა. დაინტერესება და აქტივობა სტუდენტთა მხრიდან მაღალი იყო. კონკურსში მონაწილეობა სამხატვრო აკადემიის 100-მდე სტუდენტმა მიიღო.

ასევე ექსპოზიციაში წარმოდგენილია თბილისის ადამიანით ვაჭრობის და ძალადობის მსხვერპლთა მომსახურების დაწესებულების ბენეფიციარ ქალთა ნამუშევრები. გამოფენის ორგანიზებაში ჩართული იყო ასევე სამხატვრო გალერეა “გამრეკელი”. ქალი მხატვრების ხელშეწყობის მიზნით რამდენიმე ნამუშევარი თავად კომპანია ტავ ჯორჯიამ შეიძინა.


#ახალიამბები #BusinessMediaGeorgia