როგორ აპირებს მთავრობა სახელმწიფო საწარმოებში კადრების ოპტიმიზაციას - ფინანსთა მინისტრის მოადგილე აცხადებს, რომ თუ რომელიმე საწარმოში შტატების „გაბერილი“ რაოდენობაა, ეს ოპტიმიზაციას დაექვემდებარება. გიორგი კაკაურიძე ჯერჯერობით ვერ აკონკრეტებს, რამდენი ადამიანის შემცირება იგეგმება, თუმცა ამბობს, რომ ეს პროცესი მხოლოდ სახელმწიფო საწარმოებში არ წარიმართება და ოპტიმიზაციის პროცესი ზოგადად საჯარო სექტორს შეეხება. ეკონომისტების ნაწილი კი ფიქრობს, რომ დაანონსებული საკადრო ოპტიმიზაცია სამართლიანად არ წარიმართება, ნაწილი კი ვარაუდობს, რომ მთავრობას ახლა საკადრო ოპტიმიზაცია ფისკალური რისკების პრევენციისთვის, მათ შორის საბიუჯეტო სახსრების დასაზოგად სურს.


#ახალიამბები #BusinessMediaGeorgia