ილონ მასკი და ამერიკის შეერთებული შტატების პრეზიდენტი, დონალდ ტრამპი, ერთმანეთს საჯაროდ დაუპირისპირდნენ. მათ შორის ჩამოყალიბებული კონფლიქტი კი მოასწავებს სერიოზულ პოლიტიკურ კრიზისს შეერთებულ შტატებში, რადგან ამერიკის პრეზიდენტი იმუქრება მასკის კომპანიებისთვის სახელმწიფო სუბსიდირების პროგრამების გაწყვეტით, ხოლო მსოფლიოს უმდიდრესი ადამიანი თავის მხრივ პრეზიდენტ ტრამპს სხვადასხვა სკანდალებში მონაწილეობაზე მიუთითებს, და ფიქრობს ალტერნატიული პოლიტიკური ძალის მხარდაჭერაზე, მიუხედავად იმისა, რომ დღესდღეობით მმართველი რესპუბლიკური პარტიის უმსხვილესი დონორია. რაც დანამდვილებით ვიცით, გახლავთ შემდეგი, რომ მასკის ორი კომპანია space X და Tesla ამერიკის ფედერალური ბიუჯეტიდან სერიოზულ თანხებს იღებენ, და 2020 წლიდან ეს თანხა 22,5 მლრდ დოლარს შეადგენს სუბსიდიის სახით.
მაზანდა საკმაოდ მაღალია და მიუხედავად იმისა, რომ მასკმა ამ საჯარო დაპირისპირების ფონზე 34მლრდ დოლარი დაკარგა კაპიტალიზაციის სახით, ამ ორ პიროვნებას შორის დაპირისპირება შეიძლება გაცილებით შორს წავიდეს თავისი შედეგ-გამოვლინებებით.

#ახალიამბები #BusinessMediaGeorgia