სასტუმრო ibis TBILISI AIRPORT-ი 16 მაისს ოფიციალურად გაიხსნა. ibis TBILISI AIRPORT-ი არის საქართველოში პირველი ბრენდირებული აეროპორტის სასტუმრო, რომელიც ჩვენი ქვეყნის სტუმარმასპინძლობის სექტორის განვითარებაში სერიოზულ წვლილს შეიტანს. ibis TBILISI AIRPORT-ის მულტიფუნქციური შენობის მშენებლობისთვის მიწა ინვესტორმა კომპანიამ აუქციონის წესით, საქართველოს ეკონომიკისა და მდგრადი განვითარების სამინისტროს ქონების მართვის ეროვნული სააგენტოსგან საინვესტიციო პირობებით შეისყიდა. სახელმწიფო ვალდებულება შესრულდა და დღეს უკვე დედაქალაქს აეროპორტის მიმდებარე ტერიტორიაზე საერთაშორისო სტანდარტების სასტუმრო აქვს. პროექტი, ფრანგი ინვესტორის, John Dodelande (ჯონ დოდელანდის) და კომპანია Fujin Silk Properties LLC - ის ინვესტიციით განხორციელდა, პროექტის საინვესტიციო ღირებულება 10 მლნ ევროს შეადგენს. ინვესტიციის ძირითადი წილი ფრანგ ინვესტორს ჯონ დოდელანდს ეკუთვნის, პროექტის ფინანსური მხარდაჭერა ნაწილობრივ საქართველოს ბანკმა უზრუნველყო. ibis TBILISI AIRPORT-ის სასტუმრო მასშტაბური, 39,000 მ² კომპლექსის განვითარების პირველ ეტაპს წარმოადგენს, რომლის მიზანია, აეროპორტის მიმდებარედ ტურისტული, სატრანზიტო და ინფრასტრუქტურული სერვისების გაუმჯობესება.

ჯონ დოდელანდი - Fujin Silk Properties, მმართველი პარტნიორი - ინვესტორი;
გიორგი ისაკაძე - BMG, გენერალური პროდიუსერი;

#ახალიამბები #BusinessMediaGeorgia