„რძის სკანდალის საქმე სააპელაციო სასამართლოში გრძელდება - სხდომა სასამართლოში ამ წუთებშიც მიმდინარეობს. მეორე ინსტანციის სასამართლო განიხილავს საქმეს „ყვარლის ბაგა“ „ჩირინას“ წინააღმდეგ, რომლის ფარგლებშიც მეცხოველეობის ფერმა „ჩირინასგან“ 4.7 მილიონი ლარის ზიანის ანაზღაურებას ითხოვს. ბიზნესმენ ლაშა პაპაშვილის „ყვარლის ბაგა“ ირწმუნება, რომ 200-მდე სული ძროხა მას შემდეგ დაეხოცა (ზოგიერთი მათგანი თავად დაკლეს და ბაზარზე რეალიზაცია მოახდინეს), რაც „ჩირინასგან“ ნაყიდი ქათმის სკინტლი აჭამეს, რომელშიც ანტიბიოტიკი აღმოაჩინეს, თუმცა ყვარლის ბაგის მტკიცებით მათ არ ჰქონდათ ინფორმაცია ანტიბიოტიკის შემცველობაზე. კომპანია „ჩირინა“ კატეგორიულად უარყოფს ბრალდებებს და ამტკიცებს, რომ კომპანიას არ დაურღვევია არც ხელშეკრულებით ნაკისრი ვალდებულება და არც მოქმედი კანონმდებლობა. ჩირინა ელის, რომ სააპელაციო სასამართლო ამ საქმეს მათ სასარგებლოდ გადაწყვეტს.


#ახალიამბები #BusinessMediaGeorgia