მიწის სისტემური რეგისტრაციის ვადა წლის ბოლოს იწურება - იურისტები ამბობენ, რომ რეფორმა ხარვეზებით მიმდინარეობს, რაც აჩენს ეჭვებს, რომ რეფორმის მორიგი გახანგრძლივების საჭიროება დადგება. იურიდიული კომპანია "ოქეი ენდ სი ჯი"-ის დამფუძნებელი და დირექტორი ოთარ კაჭკაჭაშვილი ამბობს, რომ ერთი მხრივ თუ რეფორმამ ბევრ მიწას ოფიციალური მესაკუთრე გაუჩინა, მეორე მხრივ გამოჩნდნენ სუბიექტები, რომლებიც პროცესით სარგებლობენ და მიწის ნაკვეთებზე, რომლებზეც სახელმწიფოს ინფორმაციას აქამდე არ ჰქონდა მეზობლებთან გარიგების საფუძველზე ირეგისტრირებენ. კაჭკაჭაშვილის თქმით, ამ კონკრეტულ შემთხვევაში ხშირად საქმე სასამართლომდე არ მიდის მოპასუხე მხარის არ არსებობის გამო, თუმცა იურისტები ამბობენ, რომ პროცესში სამართლებრივი დავები სხვადასხვა საქმეებთან მიმართებით არაერთია. როგორია სასამართლო პრაქტიკა ამ კუთხით, რა ხარვეზები იკვეთება მიწის სისტემური რეგისტრაციის რეფორმაში და რას უნდა ველოდოთ მას შემდეგ რაც სისტემური რეგისტრაცია ქალაქებში დაიწყება, სადაც მიწის ღირებულებაც და ინტერესიც მეტია.


#ახალიამბები #BusinessMediaGeorgia