ყაზახეთის საგარეო საქმეთა სამინისტრო იტყობინებოდა და შეშფოთებას გამოთქვამდა საქართველოში თავისი მოქალაქეების არშეშვების ფაქტების გამო. უწყების ცნობით, ყაზახეთის დელეგაციამ თბილისში ქართულ მხარესთან საკონსულო კონსულტაციები გამართა, რა დროსაც ყაზახურმა მხარემ შეშფოთება გამოთქვა საქართველოში ჩასვლისთანავე ყაზახეთის მოქალაქეებისთვის ქვეყანაში შესვლაზე უარის თქმის და შემდგომი დეპორტაციის ხშირი შემთხვევების გამო. იქამდე კი, ყაზახურ-ქართული ეკონომიკური გაერთიანების საგანგებო განცხადება გავრცელდა, რომელშიც აღნიშნულია, რომ ბოლო წლებში გახშირდა არაკორექტული მოპყრობა ყაზახი ტურისტებისადმი, რაც განსაკუთრებით თვალსაჩინოა მომსახურების სფეროში. მათივე განცხადებით, ყაზახები არასათანადო და შეურაცხმყოფელ ქცევას აწყდებიან სხვადასხვა სიტუაციაში, განსაკუთრებით იმ ადგილებში, სადაც ყოველდღიური კონტაქტი უწევთ ადგილობრივებთან. რა გამოწვევებია ქვეყანაში ამ მიმართულებით, რა საფრთხეებს ხედავს ყაზახურ-ქართული ეკონომიკური გაერთიანება, როგორც ეკონომიკური ასევე ტურისტული ურთიერთობების თვალსაზრისით?

სტუმარი: გიორგი ჯახუტაშვილი - ყაზახურ-ქართული ეკონომიკური გაერთიანების გამგეობის თავმჯდომარე

#ახალიამბები #BusinessMediaGeorgia