2024 წელს 8,1 მილიარდი ლარის ღირებულების სახელმწიფო ტენდერები გამოცხადდა, 22%-ით ნაკლები ვიდრე წინა წელს. ელექტრონული და კონსოლიდირებული ტენდერების საშუალებით დადებული სახელმწიფო შესყიდვების ხელშეკრულებების მთლიანმა ღირებულებამ კი 7 მილიარდ ლარამდე შეადგინა, რაც სახელმწიფო შესყიდვების საერთო მოცულობის 85.5%-ია. შესყიდვების სააგენტოს გასული წლის ანგარიშიდან ირკვევა, რომ სახელმწიფო სტრუქტურებმა 2024 წელს 1,182,743,811 ლარის ღირებულების გამარტივებული შესყიდვები განახორციელეს, რაც შესყიდვების საერთო მოცულობის 14.5%-ია. აღსანიშნია, რომ 2022 წელს თუ გამარტივებული შესყიდვების წილი მთლიან ტენდერებში 11.2% იიყო, გასულ წელს ეს რიცხვი 14.5%-მდე გაიზარდა.

#ახალიამბები #BusinessMediaGeorgia