საქართველოს სახელმწიფომ, ოფიციალური წყაროების მიხედვით, წიაღის დარგის განვითარება პრიორიტეტად საზეიმო ვითარებაში, დაახლოებით, 2017 წლიდან დაისახა და წიაღის ეროვნული სააგენტოც დააფუძნა, რომელსაც 2022 წლიდან სახელწოდება შეეცვალა და დღეს ეკონომიკის სამინისტროს დაქვემდებარებაში მინერალური რესურსების ეროვნული სააგენტოს სახელით ფუნქციონირებს. მოგვიანებით შეიქმნა წიაღის დარგის განვითარების სტრატეგიაც, რომელსაც წიაღის რეფორმაზე მუშაობა მოჰყვა. რეფორმის პირველი ფაზა 2019 წელს დასრულდა, ხოლო მეორე ფაზაზე მუშაობა, დღესაც ან უფრო სწორად დღემდე მიმდინარეობს.
ამას წამოეწია ამბავიც, რომ მინერალური რესურსების ეროვნული სააგენტო ეკონომიკის სამინისტროს ნაცვლად გარემოს დაცვისა და სოფლის მეურნეობის სამინისტროს დაქვემდებარებაში გადავა. აღნიშნულს „წიაღის შესახებ“ კანონში დაინიცირებული ცვლილებები ითვალისწინებს. საკითხი მგონი,მესამე მოსმენაზეა პარლამენტში, და როცა მოიცლიან ამ თემებისთვის, მიიღებენ. კანონპროექტის განმარტებითი ბარათის მიხედვით, ცვლილების მიზანია სასარგებლო წიაღისეული მართვის და გარემოს დაცვის საკითხების ეფექტიანად წარმართვა.
წიაღის რეფორმა დაპაუზებულია და მისით სავარაუდოდ დავით სონღულაშვილის უწყებას მოუწევს დაკავდეს. რამდენად გაგრძელდება ცისფერი მთები წიაღის რეფორმის მიმართულებით, გამოჩნდება უახლოეს მომავალში, მანამდე გთავაზობთ,BMG-ს მთავარი რედაქტორის, თელარა გელანტიას საავტორო სიუჟეტი ერთგვარი ციკლური რუბრიკიდან მივიწყებული საოცნებო რეფორმების ან ოცნების მივიწყებული ეკონომიკური რეფორმების შესახებ.

#ახალიამბები #BusinessMediaGeorgia