საქართველო, სომხეთი და აზერბაიჯანი - ერთთვიანი გაერთიანების ისტორია - გიორგი ისაკაძის საავტორო ეპილოგი / 27.04.2025

საქართველო, სომხეთი და აზერბაიჯანი ერთი თვის განმავლობაში (1918 წლის 22 აპრილი – 1918 წლის26 მაისი) საერთო სახელმწიფოში – ამიერკავკასიის დემოკრატიულ ფედერაციულ რესპუბლიკაში გაერთიანდნენ.1917 წლის ოქტომბრის რევოლუციის შემდეგ პირველი მსოფლიო ომისადმი რუსეთის პოზიციის ცვლილებამ, ასევე ბრესტლიტოვსკის ზავის პირობების შესრულებაზე ოსმალეთის მოთხოვნამ, აიძულა ამიერკავკასიის დე ფაქტო ხელისუფლება – 22 აპრილს, ამიერკავკასიის სეიმის სხდომაზე, ამიერკავკასიის დემოკრატიული ფედერაციული რესპუბლიკის დამოუკიდებლობა გამოეცხადებინა. 26 აპრილს ჩამოყალიბდა მთავრობა ქართველი მენშევიკის აკაკი ჩხენკელის ხელმძღვანელობით, რომელიც ამავე დროს, საგარეო საქმეთა მინისტრის პოსტს იკავებდა.
სამთავრობო გუნდი კი ასე დაკომპლექტდა:
ნოე რამიშვილი – შინაგან საქმეთა მინისტრი;
გრიგოლ გიორგაძე – სამხედრო მინისტრი;
ნოე ხომერიკი – მიწათმოქმედების მინისტრი;
ალექსანდრე ხატისოვი – ფინანსთა მინისტრი;
ფათალი ხან ხოისკი – იუსტიციის მინისტრი,
ხუდად ბეი მელიქასლანოვი – გზათა მინისტრი;
ნ. ბ უსუბეკოვი – სახალხო განათლების მინისტრი;
მამედ ჰასან ჰაჯინსკი – ვაჭრობისა და მრეწველობის მინისტრი;
ერზინკიანი – შრომის მინისტრი;
ავეტიკ სააკიანი – სასურსათო საქმეთა მინისტრი;
ჰოვანეს კაჩაზნუნი – სახელმწიფო მზრუნველობის მინისტრი;
იბრაჰიმ ბაკ ჰაიდაროვი სახელმწიფო კონტროლიორი.
ამიერკავკასიის დემოკრატიული ფედერაციული რესპუბლიკა 1918 წლის 26 მაისს, საქართველოს დამოუკიდებლობის გამოცხადების შედეგად დაიშალა.

#ახალიამბები #BusinessMediaGeorgia