თბილისის მერია წინასაარჩევნოდ 3 მასშტაბურ სატრანსპორტო პროექტს აანონსებს. დიდი დიღმიდან დიდუბემდე ტრამვაი და არსებული მეტროს ხაზის განვითარება. მერია თითოეული პროექტის ფასებს სწავლობს და ამ კუთხით შესაბამის გამოკითხვას აწარმოებს. თუმცა პირველადი დათვლებით 7.5 კმ ტრამვაის გაყვანა, რამბოლის დათვლებით საშუალოდ 150 მილიონი ევრო ჯდება. მეორე პროექტი კი რომელიც ვარკეთილსა და გლდანში ახალი მეტროსადგურების მოწყობას და ჯამურად არსებული ქსელის 5 კილომეტრით დაგრძელებას გულისხმობს, დაახლოებით 400 მილიონი დოლარი ღირს, პროექტის ჯამური სავარაუდო ღირებულება თბილისის სატრანსპორტო კომპანიის დირექტორის გაცხადებაზე დაყრდნობით დათვალეთ, რომელიც ამბობს, ზოგადი დათვლებით ერთი კილომეტრი მეტრო გვირაბის გაყვანა 70-80 მლნ დოლარი ჯდება. ხოლო რაც შეეხება მეტროს მესამე ხაზის მშენებლობას, რომელმაც ვაკეში უნდა გაიაროს. ახალ ხაზს 7 სადგური უნდა ჰქონდეს და ის ერთმანეთს დააკავშირებს, როგორც მეტროს მეორე, ასევე პირველ ხაზს. ახალი ხაზის სიგრძე 8.5 კილომეტრი უნდა იყოს. პროექტის შესაძლო სავარაუდო ღირებულება 470-560 მილიონი
დოლარის ფარგლებში შეიძლება იყოს. თუმცა პროექტების სრული ღირებულება სწორედ ფასების გამოკვლევით უნდა დადგინდეს. რამდენად რეალური შეიძლება იყოს დიდ დიღომში ტრამვაი და მეტრო ვაკეში?

სტუმარი: გიორგი ბაბუნაშვილი - "ურბანული ლაბორატორიის" ხელმძღვანელი

#ახალიამბები #BusinessMediaGeorgia