უმაღლესი განათლების ხარისხის განვითარების დამოუკიდებელი სააგენტოების ევროპულ რეესტრში საქართველოს უკვე ყოფილი წევრის სტატუსი აქვს. EQAR-ის წევრობა კი აქამდე ნიშნავდა იმას, რომ საქართველოში მიღებული უმაღლესი განათლების დიპლომი აღიარებული იყო ევროპის უმაღლესი განათლების სივრცეში. ეს შესაძლებლობა კითხვის ნიშნის ქვეშ დადგა გასული წლის ბოლოს, როდესაც დამოუკიდებლობასთან დაკავშირებულ სტანდარტთან შეუსაბამობის გამო ევროპულმა ორგანიზაციამ საქართველოს განათლების ხარისხის ეროვნულ ცენტრს სტატუსი შეუჩერა, წელს კი ყოფილი წევრების სიაში გადაგვიყვანა. განათლების ექსპერტები თვლიან, რომ ეს ფაქტი სერიოზული რეპუტაციული ზიანის მომტანია საქართველოს განათლების სისტემისთვის და გავლენას მოახდენს როგორც ქართველი, ისე უცხოელი სტუდენტების დიპლომების ევროპულ სივრცეში აღიარებაზე. აზიანებს თუ არა საქართველოსთან დაკავშირებით ევროპული ორგანიზაციის გადაწყვეტილება ჩვენი ქვეყნის უმაღლესი განათლების სისტემას და შეუშლის თუ არა ხელს ეს პროცესი საერთაშორისო სტუდენტების მოზიდვას საქართველოში?

#ახალიამბები #BusinessMediaGeorgia