იზრდება თუ არა ვიზალიბერალიზაციის დაკარგვის საფრთხე - ამ კვირაში ეს კითხვა აქტუალური საქართველოსა და მასთან ერთად კიდევ იმ 60 ქვეყანაში გახდა, რომლებისთვისაც შენგენის ზონაში უვიზოდ მიმოსვლა დაშვებულია. როგორც ჩანს, ევროკავშირი ვიზალიბერალიზაციის შეჩერების მექანიზმის გამკაცრების იდეას უბრუნდება და გეგმავს უვიზო რეჟიმის შეჩერების საფუძვლად დამატებითი ოთხი ფაქტორის შემოტანას. მათ შორის არის გაერთიანებასა და ქვეყანას შორის სავიზო პოლიტიკის შეუსაბამობა, ე.წ. ჰიბრიდული საფრთხეები, უცხოელებისთვის მოქალაქეობის მინიჭების ხშირი პრაქტიკა და მეოთხე და ალბათ , ყველაზე საინტერესო - ევროკავშირის პოლიტიკურ ურთიერთობები მესამე ქვეყნებთან. კერძოდ უვიზო მიმოსვლის შეჩერების მექანიზმი შეიძლება ამოქმედდეს „ადამიანის უფლებების სერიოზული დარღვევის“ ან ადამიანის უფლებათა კანონმდებლობისა და საერთაშორისო სასამართლოს გადაწყვეტილებების დარღვევებისა და გადაწყვეტილებების შეუსრულებლობის შემთხვევაში“. რა რისკები ჩნდება გეგმის მიღების შემთხვევაში საქართველოს მოქალაქეებისთვის იმ ფონზე როცა ოფიციალური ურთიერთობები ევროსტრუქტურებთან უკიდურესად დაძაბულია.

სტუმარი: ელგუჯა ხოკრიშვილი - საქართველოს ყოფილი ელჩი გერმანიაში/ პარტია „გახარია საქართველოსთვის“ ლიდერი

#ახალიამბები #BusinessMediaGeorgia