შედის პარლამენტის რეგლამენტებში ცვლილებები, რომელიც ახლებურად არეგულირებს თანამდებობის პირის არჩევას, მთავრობისთვის ნდობის გამოცხადებას, პრეზიდენტის არჩევასა და თანამდებობის პირის იმპიჩმენტის წესით თანამდებობიდან გადაყენების საკითხებს. პარლამენტის რამდენიმე კომიტეტს სახელი შეეცვლება, ახალარჩეული პარლამენტის პირველ სხდომას კი პრეზიდენტი აღარ გახსნის. ცვლილებები შეეხება პარლამენტის სათათბირო ორგანოებსაც. გაუქმდება გენდერული თანასწორობის, ღია მმართველობისა და ბავშვის უფლებათა დაცვის მუდმივმოქმედი საპარლამენტო საბჭოები, რომლებიც წლების განმავლობაში საკონსულტაციო ფორმატით ფუნქციონირებდნენ. კომიტეტი აღარ იქნება ვალდებული, საქართველოს პარლამენტის ვებგვერდზე გამოაქვეყნოს სამუშაო ჯგუფის საქმიანობის შესახებ დეტალური ინფორმაცია, მათ შორის, სამუშაო შეხვედრების ოქმები. ახალი რეგლამენტის პროექტის თანახმად, უქმდება "მინისტრის საათი", რა ფორმატშიც მთავრობის წევრები წელიწადში ერთხელ პარლამენტის წინაშე გაწეული მუშაობის ანგარიშით გამოდიოდნენ და დეპუტატების შეკითხვებს პასუხობენ, ხოლო სხვადასხვა ანგარიშვალდებული პირების ინტერპელაციების რაოდენობა ორმაგდება. დაზუსტდა საკითხები, რომლებიც კომიტეტების გარეშე პირდაპირ პარლამენტის პლენარულ სხდომაზე განიხილება. კერძოდ, საკომიტეტო განხილვა აღარ იქნება საჭირო თანამდებობის პირის არჩევის, მთავრობისთვის ნდობის გამოცხადების, პრეზიდენტის არჩევის, თანამდებობის პირის იმპიჩმენტის წესით გადაყენებისა და რეგლამენტით გათვალისწინებული სხვა საკითხების შემთხვევაში. გარდა ამისა, კომიტეტებს აღარ მოუწევს სამოქმედო გეგმაზე მუშაობა, რომლის შედგენა, მომზადება და პარლამენტის ვებ-გვერდზე გამოქვეყნება მათი ყოველწლიური ვალდებულება იყო.

სტუმარი: კახა ურიადმყოფელი - სამართლის დოქტორი, პროფესორი;


#ახალიამბები #BusinessMediaGeorgia