1909 წლის 4 აპრილს, ქართველი მწერლებისა და საქმიანების, ძმები ზუბალაშვილების სახელობის სახალხო სახლი - ახლანდელი კოტე მარჯანიშვილის სახელობის დრამატული თეატრი გაიხსნა. სახალხო სახლის თეატრის შექმნის იდეას საფუძველი, 1893 წელს მუშათა სახალხო თეატრში სახელად “ავჭალის აუდიტორია” ჩაეყარა. 1901 წელს, კონკურსში შენობის აგების უფლებით, უკრაინელი არქიტექტორის, კრიჩინსკის პროექტმა გაიმარჯვა და შენობა კონსტანტინე ზუბალაშვილის ვაჟებმა: პეტრემ, ლევანმა და იაკობმა მამის სახელზე საჩუქრად ქალაქს გადასცეს.
არქიტექტურა მოდერნის სტილში იყო შესრულებული და მიუხედავად, მრავალჯერ გადაკეთებისა, შენობა ძირითად და ავთენტურ ნიშნებს დღემდე ინარჩუნებს. 630 მაყურებელზე გათვლილი სივრცისა და სცენის გარდა, ნაგებობა 200 მკითხველზე ბიბლიოთეკასაც მოიცავდა. იმ დროისთვის, თეატრს ხელოვნური განათება არ გააჩნდა, შესაბამისად, სპექტაკლებიც მხოლოდ დღის სინათლეზე მიმდინარეობდა და იმართებოდა. ხელმისაწვდომი ფასი გამო, თეატრი მაყურებელთა სიმრავლით გამოირჩეოდა, და გახსნის დღიდან ქალაქის გამორჩეულ კულტურულ-საგანმანათლებლო ცენტრად იქცა. სახალხო თეატრის სცენაზე, დრამატული და საოპერო სპექტაკლები რეგულარულად 12 ენაზე იმართებოდა.

#ახალიამბები #BusinessMediaGeorgia