საინტერესოა, რატომ დატოვა ხელისუფლება ერთ-ერთმა ყველაზე გავლენიანმა, თუ ყველაზე გავლენიანმა ფიგურამ გრიგოლ ლილუაშვილმა? - პასუხი კითხვაზე მარტივიც არის და რთულიც, თუმცა, გარკვეული ლოგიკა იკვეთება და ის ასე გამოიყურება მოსაზრების სახით: ბატონი ლილუაშვილი, რომელიც თავის გუნდთან ერთად ბიძინა ივანიშვილის დასაყრდენს წარმოადგენდა, იმავდროულად წლების განმავლობაში იყო დაპირისპირებული განსაკუთრებით თბილისის მოქმედ მერთან, კახა კალაძესთან. პრემიერ მინისტრად ირაკლი კობახიძის გამწესების შემდეგ, როცა შიდა და საგარეო გარემოებებიც იმგვარად დალაგდა, რომ მართვაზე სრულ პასუხისმგებლობას სწორედ კალაძე-კობახიძის ტანდემი იღებდა, დღის წესრიგში დადგა ხელშეუხებელი წმინდა პოზიციების ანუ ძალოვანი სტრუქტურების აღების ჯერიც, სადაც მხოლოდ თავდაცვის სამინისტროში საკუთარი კადრის გამწესება საკმარისი არ აღმოჩნდა.
ამ ფონზე, ბატონ ლილუაშვილს, შეეთავაზა მინისტრის პორტფელი, იმ ფორმით რომ სახელმწიფო უსაფრთხოების სამსახურის უფროსისთვის ეს დაქვეითებად არ გამოჩენილიყო, ის გახდებოდა მთავრობის ანუ მინისტრთა კაბინეტის წევრი, თუმცა აქ იჩენს თავს პრობლემა, რაც გადამწყვეტი აღმოჩნდა ბატონი ლილუაშვილისთვის მიეღო გადაწყვეტილება თამაშიდან გასვლის შესახებ.

#ახალიამბები #BusinessMediaGeorgia