ფარმაცევტული ბაზარი მორიგი ცვლილებებისთვის ემზადება. 2024 წლის 1 ოქტომბრიდან უკვე ძალაშია “ქართული ოცნების” მთავრობის შესაბამისი დადგენილება, რომელიც ეროვნული რეჟიმით ფარმაცევტული პროდუქტის რეგისტრაციის ან ხელახალი რეგისტრაციის დროს იმპორტიორს და ადგილობრივ მწარმოებელს ავალდებულებს არამხოლოდ საბოლოო პროდუქტის მწარმოებელი ქარხნის GMP სერტიფიკატი, არამედ იმ სუბსტანციის მწარმოებელი ქარხნის GMP წარმოადგინოს, რომელი სუბსტანციაც წარმოებაში გამოიყენება. აღნიშნული მოთხოვნის შესრულება მიმდინარე წლის 1 ოქტომბრიდან მანდატორულად სავალდებულო ხდება როგორც დისტრიბუტორებისთვის, ისე ადგილობრივი მწარმოებლებისთვის. ფარმაცევტული კომპანიები განმარტავენ, რომ აქტიური ნივთიერებების მწარმოებლებს მსგავსი ევროპული სერტიფიკატი ძირითად შემთხვევებში არ გააჩნიათ, ამიტომ რეგულაციის ამოქმედების პირობებში არსებობს რისკი ქართულ ბაზარზე მედიკამენტების დეფიციტი შეიქმნას.

სტუმარი: ირაკლი მარგველაშვილი - საერთაშორისო ფარმაცევტული კომპანიების წარმომადგენელთა ასოციაციის ხელმძღვანელი.

#ახალიამბები #BusinessMediaGeorgia