ბიზნესმენ ირაკლი რუხაძის სარჩელი ინგლისის უზენაეს სასამართლოს შვიდი მოსამართლისგან შემდგარმა კოლეგიამ ერთხმად მიღებული განაჩენით უკუაგდო, რაც სააპელაციო სასამართლოს მიერ 2023 წლის 21 მარტს მიღებულ განაჩენს უკავშირდებოდა. თავის მხრივ 2023 წლის 21 მარტს ინგლისის სააპელაციო სასამართლომ უცვლელად დატოვა ინგლისის სასამართლოს კომერციული პალატის 2022 წლის 25 ივლისის განაჩენი,
რომლითაც ირაკლი რუხაძეს და მის ბიზნესპარტნიორებს-იგორ ალექსეევსა და ბენჯამენ მარსონს მათ მიერ კომპანიების Revoker-ისა და Recovery Partners-ის წინააღმდეგ ჩადენილი “კომერციული შეთქმულების” გამო 134 მილიონი დოლარის კომპენსაციისა და ამ კომპენსაციაზე დარიცხული პროცენტის (წლიური 8%) გადახდა დაეკისრათ. დღეის მდგომარეობით ეს თანხა პროცენტის გათვალისწინებით 170 მილიონ დოლარს აღემატება.
სწორედ ეს თანხა უნდა გადაუხადონ ირაკლი რუხაძემ და მისი საინვესტიციო ფონდის Hunewell Partners-ის თანადამფუძნებლებმა ბენჯამენ მარსონმა და იგორ ალექსეევმა კომპანიებს Revoker-სა და Recovery Partners-ს, რომლებიც ბადრი პატარკაციშვილის აქტივების ყოფილი მმართველის, ბიზნესმენ იუჯინ ჯაფის მიერ არის დაფუძნებული.

#ახალიამბები #BusinessMediaGeorgia