"მხოლოდ ქართულის" რუბრიკის ფარგლებში პარიკების ოთახზე გიყვებით. ეს არის კომპანია, რომელიც ქართულ პარიკს, თანამედროვე დანადგარებით აღჭურვილ საწარმოში ქმნის. სხვათა შორის, პროდუქტის მთავარი ნედლეული, როგორც ამბობენ, ქართული - კავკასიური ბუნებრივი თმაა, რომელიც ამ სექტორში აღმოჩნდა, რომ ხარისხთან ასოცირდება. დღეს საწარმოსთან ერთად კომპანია შოურუმსა და სალონსაც ფლობს, სადაც შესაძლებელია როგორც ქალებისთვის განკუთვნილი პარიკების შეძენა, ასევე მამაკაცების პარიკები, რომელიც კომპანიის მთავარი სიახლეა. ადგილობრივ ბაზარზე მაღალი მოთხოვნის დაკმაყოფილების შემდეგ, ქართული პარიკი საერთაშორისო ბაზარზეც გავა, ამ მიმართულებით კომპანიის ერთ-ერთი სამიზნე გერმანიაა, რისთვისაც პირველი ნაბიჯები უკვე გადაიდგა.

#ახალიამბები #BusinessMediaGeorgia