"პროფესიონალის" მომდევნო გმირი ფართო საზოგადოებისთვის კარგად ცნობილი ტელეწამყვანი, ჟურნალისტი, ვასილ-ივანოვ ჩიქოვანია.
ჟურნალისტიკაში 20-წლიანმა კარიერულმა თავგადასავალმა ბევრი რამ დაიტია, სხვადასხვა ტელევიზიები თუ გადაცემები, იმუშავა ფაქტობრივად ყველა იმ პოზიციაზე, რაც კი არსებობს საინფორმაციო გამოშვებაში. ბოლო წლების განმავლობაში კი საზოგადოებრივ მაუწყებელზე 18:00 საათიან მოამბეს უძღვებოდა. ასე იყო 4 თებერვლამდე - არხის მენეჯმენტის გადაწყვეტილებამდე, რომელიც სიტუაციის ნორმალიზებამდე მას "აღარ ევალება მოამბის წაყვანა". თუმცა, თავად, ჩვენი სიუჟეტის მთავარი გმირი ამ გადაწყვეტილებას მის მიერ ღიად და ხმამაღლა არხის სარედაქციო პოლიტიკის კრიტიკას და ყველა ეთერიდან მზია ამაღლობელისადმი სოლიდარობისა და მხარდაჭერის გამოხატვას უკავშირდება, იმ სიტყვას, რომელიც სიმართლისთვის და თავისუფლებისთვის გაისმა იმ კედლებიდან, საიდანაც ამას ყველაზე დიდი მნიშვნელობა ჰქონდა.

#ახალიამბები #BusinessMediaGeorgia