"მთელი მსოფლიო ჩემს წინააღმდეგ იყო. ფავორიტი არ ვიყავი, მაგრამ ყველას საკადრისი პასუხი გავეცი. ჩემი თავის ყოველთვის მჯერა! მიყვარხარ საქართველო", მიყვარხართ ქართველებო! მადლობა ამერიკა!" - ეს თქვა UFC-ის ქართველმა ჩემპიონმა, მერაბ დვალიშვილმა უმარ ნურმაგომედოვის დამარცხების შემდეგ. მერაბ დვალიშვილი კვლავ მსოფლიოს ჩემპიონია, ეს არის პირველი დაცვა საჩემპიონო ქამრისა მერაბ დვალიშვილის მხრიდან. ქართველი სპორტსმენი, რომელიც მექსიკის სახელით გამოდიოდა და გახდა UFC-ის მსოფლიო ჩემპიონი, ქართველი რომელიც ჩვეულებრივი ემიგრანტის ცხოვრებით ცხოვრობდა ამერიკის შეერთებულ შტატებში, შრომობდა და წვალობდა ზუსტად ისე, როგორც ათიათასობით საქართველოდან წასული მიგრანტები, მიზნად ისახავს და ასრულებს! ასრულებს ზუსტად ისე, როგორც ნამდვილად ქართველს, სპორტსმენს, შრომისმოყვარეს, მიზანდასახულს ეკადრება.
საუკეთესოდ ულოცავს დვალიშვილს საქართველოს კიდევ ერთი გამორჩეული სპორტსმენი და მსოფლიო ჩემპიონი ილია თოფურია: "მერაბ, ძმაო, რა მებრძოლი ხარ, ჩვენ შენით ვამაყობთ! ეს ხდება, როცა დაღესტნური ჭიდაობა ქართულს ხვდება" - წერს ილია თოფურია სოციალურ ქსელში.
#ახალიამბები #BusinessMediaGeorgia