ატვირთვა
ავტორიზაცია რეგისტრაცია
55 891 140
ნახვა
4 159
ხელმომწერი
4 660
ვიდეო

''აფხაზეთი ჩვენ თქვენგან გავათავისუფლეთ... ჩვენ ყველა საბჭოთა კავშირი ვართ'' - რას ამბობენ რუსი ტურისტები, რომლებიც ბათუმში დღეს საკრუიზო გემით ჩამოვიდნენ

გაზიარება
ივლისი 27, 2023
6 695
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

"აფხაზეთი ჩვენ თქვენგან გავათავისუფლეთ, რუსეთი ოკუპანტი არ არის..."

"რას ამბობთ, რუსეთი არ არის ოკუპანტი, საქართველო, ჩვენ, ყველა, საბჭოთა კავშირი ვართ, ერთიანი ქვეყანა..."

"რუსეთი ოკუპანტი არაა, აფხაზეთის და ოსეთის პრობლემა თავად გადაწყვიტეთ..." - ამის შესახებ რუსმა ტურისტებმა, რომლებიც ბათუმში საკრუიზო გემით ჩამოვიდნენ, "მთავარ არხს" განუცხადეს.

საკრუიზო გემი Astoria Grande დღეს დილით ბათუმში შემოვიდა. გემი 22 ივლისს სოჭიდან ახალი მარშრუტით გაემგზავრა, რომელიც ბათუმში გაჩერებასაც მოიცავს, - ამის შესახებ რეპორტაჟი ტელეკომპანია Россия 1-მა მოამზადა.

არსებული ინფორმაციით, გემზე 850 მგზავრი, მათ შორის, რუსი ტურისტები იმყოფებიან.

„მათ ტურისტების მოთხოვნით გადაწყვიტეს დამატებითი გაჩერება შავი ზღვის სანაპიროზე. ორგანიზატორები მიიჩნევენ, რომ საქართველოს კურორტს შეუძლია მნიშვნელოვნად გაზარდოს ინტერესი რეისის მიმართ. უფრო მეტიც, მგზავრს არ სჭირდება დამატებითი დოკუმენტები“, - ნათქვამია ტელეკომპანია Россия 1-ის რეპორტაჟში.

ცნობისთვის, თავად საზღვაო ტრანსპორტის სააგენტომ აღნიშნულ საკრუიზო გემთან დაკავშირებით განცხადება 25 ივლისს გაავრცელა.

მათი ინფორმაციით, საკრუიზო გემი „ASTORIA GRANDE“ პალაუს დროშის ქვეშ ცურავს და მას თურქული საკრუიზო კომპანია “Miray Cruises International”-ი ემსახურება.

საზღვაო ტრანსპორტის სააგენტოს განმარტებით, გემთმფლობელი რეგისტრირებულია სეიშელის კუნძულებზე კომპანია “Goodwin Shipping Limited”-ის სახელით და საერთაშორისო სანქციებში არ ფიქსირდება.

მათივე ცნობით, აღნიშნული საკრუიზო გემის შემოსვლა კომერციული ხასიათისაა.

გამოიწერეთ გვერდი

მაჩვენე მეტი
ტეგები : #ახალიამბები #ბათუმი #რუსები #ტურისტები #რუსეთი ოკუპანტი #რუსეთი ოკუპანტია
Georgian Daily News-ის აპლიკაცია