#ახალიამბები
ევროპული მარში ევროპის მოედნისკენ - 20 ივნისს, 19 საათზე ბათუმის ცენტრალური პარკის შესასვლელიდან მშვიდობიანი მსვლელობა იგეგმება. საქართველო ევროკავშირის გადაწყვეტილებას ელოდება. ორგანიზატორების თქმით, ქვეყანა არაერთი თაობის ბრძოლითა და თავგანწირვით გამყარებული სურვილის ასრულებასთან ასე ახლოს არასდროს ყოფილა. სამოქალაქო საზოგადოებაში ამბობენ, რომ ევროკავშირის წევრობის კანდიდატის სტატუსი კეთილდღეობასა და სტაბილურ განვითარებას მოუტანს ქვეყანაში მცხოვრებ თითოეულ მოქალაქეს. მათივე შეფასებით, ეს არის წინაპიობა, გვქონდეს ძლიერი, ადამიანის უფლებების დაცვაზე, კანონის უზენაესობასა და სამართლიანობაზე დაფუძნებული სახელმწიფო. შეკრება საქართველოსა და ევროკავშირის ჰიმნების გაჟღერებით დასრულდება. ორგანიზატორები მოქალაქეებს მოუწოდებენ მშვიდობიან მსვლელობას ოჯახის წევრებთან, მეგობრებთან და თანამოაზრეებთან ერთად შეუერთდნენ.