#ახალიამბები
დაპირება, რომ ბათუმში ახალი რეკრეაციული სივრცე მოეწყობოდა, თვითმმართველობის არჩევნებამდე, გაკეთებული მორიგი ტყუილი აღმოჩნდა. ამ განცხადებას „ერთიან ნაციონალურ მოძრაობაში“ აკეთებენ. ურეხისა და სტეფანოვკის დასახლებაში, ცენტრალური პარკის გაშენების იდეა არ განხორციელდა. ხელისუფლების ოპონენტები ამბობენ, რომ თორნიკე რიჟვაძემ ამომრჩეველი კიდევ ერთხელ მოატყუა და ხალხის გულის მოგება, ახალი სამუშაო ადგილების შექმნის დაპირებითა და ტურისტებისთვის მიმზიდველი ლოკაციის მოწყობით სცადა. კითხვაზე თუ რატომ არ განხორციელდა აღნიშნული პროექტი? აჭარის ფინანსთა და ეკონომიკის სამინისტროში ოპოზიციის მხრიდან საკითხის გააქტიურებას მიზანმიმართულ პროვოკაციას უწოდებენ და ამბობენ რომ პარკის მოსაწყობად, კანონით გათვალისწინებული პროცედურები მიმდინარეობს.