#ახალიამბები
"არ არის სიმართლე, არც შემოთავაზება ყოფილა, არც განხილვა," - გიორგი მარგველაშვილმა TV25-ს განუცხადა, რომ მედიით გავრცელებული ინფორმაცია პროპაგანდის ნაწილია. საქართველოს მეოთხე პრეზიდენტის თქმით, როგორც ჩანს, ხელისუფლებამ, გუშინ, გავრცელებული ფარული ჩანაწერების გადაფარვის მიზნით, ჩვეულ ხერხს მიმართა. ცნობისთვის, დილიდან, მედიაში გავრცელდა ცნობები, რომ ექსპრეზიდენტი „ნაციონალურ მოძრაობას“ უხელმძღვანელებდა. გავრცელებული ინფორმაციით, მარგველაშვილმა მსგავსი შეთავაზება პირადად სააკაშვილისგან მიიღო. აღსანიშნავია, რომ გიორგი მარგველაშვილი "ნაციონალური მოძრაობის" ლიდერებთან ერთად 15 აპრილს კიევში გამოჩნდა. მან განაცხადა, რომ უკრაინის დედაქალაქში ჩასვლა მიხეილ სააკაშვილთან შეთანხმებით გადაწყვიტეს.