ატვირთვა
ავტორიზაცია რეგისტრაცია
47 939 744
ნახვა
3 934
ხელმომწერი
4 035
ვიდეო

კარანტინის დროს გამართული ქორწილი ისრაელის პოლიციამ სასტიკად დაშალა

გაზიარება შექმენი ლუპი
ოქტომბერი 19, 2020
25 644
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ისრაელში კორონავირუსის პრევენციის მიზნით, დღემდე მოქმედებს გარკვეული რეგულაციები. მთავრობის გადაწყვეტილებით, მოქალაქეთა ერთად შეკრების შემთხვევაში, დახურულ სივრცეში მათი რაოდენობა ათს, ხოლო ღია სივრცეში 20-ს არ უნდა აღემატებოდეს. სწორედ ამ უკანასნელი წესის “დარღვევის” გამო, სისხლიანი დაპირისპირებით დასრულდა გივატ-ზეევში გამართული ქორწილი. სოციალურ ქსელში გავრცელებულმა კადრებმა, სადაც პოლიციას წვეულებიდან ხალხი გაყავს, დიდი აღშფოთება გამოიწვია. ქვეყნის შინაგან საქმეთა მინისტრმა “ტვიტერზე” დაწერა, რომ მსოფლიოში არ არსებობს მიზეზი საიმისოდ, რომ პოლიციამ ხალხზე იძალადოს. გავრცელდა ინფორმაცია, რომ პატარძლის ძმას, რომელიც კადრებში დასისხლიანებული ჩანს, ფიზიკურად პოლიცია გაუსწორდა. როგორც the guardian წერს, სამართალდამცველები აცხადებს, რომ სახლში შესვლისას ოჯახის ერთ-ერთ წევრს პირადობა მოსთხოვეს, რაზეც ქალის მხრიდან აგრესია მოყვა, რაც საბოლოოდ დაპირისპირებაში გადაიზარდა. ოჯახი კი თავდასხმაში პოლიციას ადანაშაულებს და ამბობს, რომ მათ რეგულაცია, რომელიც ღია სივრცეში მხოლოდ 20 კაცის შეკრებას ითვალისწინებს, არ დაურღვევიათ. შეგახსენებთ, ისრაელში რიგით მეორე კარანტინი 18 სექტემბრიდან მოქმედებს. ხელისუფლებაში აცხადებენ, რომ თუ ვირუსის ყოველდღიური შემთხვევები 2000-ს გადააჭარბებს, შესაძლოა, კარანტინის შემსუბუქება ვერ მოხერხდეს. ისრაელში კორონავირუსის 300 000-ზე მეტი შემთხვევა ფიქსირდება, ვირუსს 2 128 ადამიანი ემსხვერპლა.

გამოიწერეთ გვერდი

მაჩვენე მეტი
ტეგები : #ახალიამბები #კორონავირუსი
Georgian Daily News-ის აპლიკაცია