ისრაელის თავდაცვის ძალების წარმომადგენლებმა თავდაცვის ინსტიტუციური აღმშენებლობის სკოლაში (DIB) საქართველოს სამთავრობო უწყებების წარმომადგენლებთან სამუშაო შეხვედრა გამართეს.
უწყებათაშორისი შეხვედრის დროს სტუმრებმა ქართული სამთავრობო უწყებების თანამშრომლებს ისრაელის ეროვნული თავდაცვის სისტემის შესახებ ინფორმაცია მიაწოდეს. საუბარი შეეხო მშვიდობის, კრიზისისა თუ ომის დროს უწყებათაშორისი თანამშრომლობის ასპექტებს. ყურადღება გამახვილდა საზოგადოებისა და სარეზერვო სისტემის ურთიერთქმედებაზე. ისრაელის თავდაცვის ძალების სამხედროებმა ასევე ისაუბრეს კომუნიკაციის, ახალგაზრდობისა და განათლების როლზე სარეზერვო სისტემის ეფექტური ფუნქციონირებისთვის.
ისრაელის თავდაცვის ძალების წარმომადგენლები საქართველოს სამდღიანი სამუშაო ვიზიტით სტუმრობენ.