გენდერული თანასწორობის საკითხზე იმსჯელეს თავდაცვის ინსტიტუციური აღმშენებლობის სკოლაში გამართულ კონფერენციაზე.

დისკუსია თავდაცვის მინისტრმა გახსნა. ღონისძიებაში მონაწილეობა საქართველოში სტუმრად მყოფმა ნატო-ს გენერალური მდივნის სპეციალურმა წარმომადგენელმა ქალების, მშვიდობისა და უსაფრთხოების საკითხებში მარიეტ შურმანმა მიიღო.

კონფერენციაზე გენდერული თანასწორობის მიმართულებით არსებული მიღწევების კიდევ უფრო გაუმჯობესების შესახებ ისაუბრეს. ასევე ყურადღება გამახვილდა გენდერულ საკითხებში ნატო-ს პოლიტიკაზეც.

ღონისძიების დაწყებამდე თავდაცვის მინისტრი ნატო-ს გენერალური მდივნის სპეციალურ წარმომადგენლს პირისპირ შეხვდა.