საქართველოს პროფესიული კოლეჯების სტუდენტებმა მსოფლიო პროფესიული უნარების შეჯიბრებაში მიიღეს მონაწილეობა. საერთაშორისო კონკურსში 77 ქვეყნის 1300-მდე სტუდენტი მონაწილეობდა.

22 წლამდე ასაკის ახალგაზრდები ერთმანეთს 51 სხვადასხვა პროფესიაში ეჯიბრებოდა.

ქართველებმა შვიდ მიმართულებაში მიიღეს მონაწილეობა. საქართველოს პროფესიული კოლეჯების სტუდენტები ამერიკის, დიდი ბრიტანეთის, საფრანგეთის, გერმანიისა და სხვა ქვეყნის პროფესიული კოლეჯების სტუდენტებს გრაფიკულ დიზაინში, სარესტორნო სერვისში, მზარეულობასა და საპარიკმახერო საქმეში ეჯიბრებოდნენ.

მსოფლიო პროფესიული უნარების შეჯიბრება ორ წელიწადში ერთხელ იმართება. მასში საქართველო 2012 წლიდან ჩაერთო და წელს უკვე მესამედ მიიღო მონაწილეობა.